БИШКЕК, 5-янв — Sputnik. Facebook социалдык түйүнүн негиздөөчүсү ар бир эки жумада бирден китеп окуп, ошондой эле өзүнүн жеке китеп клубун түзмөкчү деп билдирет РИА Новости Business Insider жаңылыктар порталына таянуу менен.
Facebookтун негиздөөчүсүнүн айтымында, бул жылы анын милдети "жок дегенде жумасына бирден китеп" окуу болот. Ал ар түрдүү маданияттарды, диний ишенимдерди, окуяларды жана технологияларды окуп иликтөөгө басым жасамакчы.
Жаңы жыл алдында Марк Цукерберг алдыга кандай милдеттерди коюшу керектиги жөнүндө социалдык түйүндү пайдалануучулардын сунуштарын чогулткан. Ал китеп окууну сунуштаган бардык пайдалануучуларга өз ыраазычылыгын билдирди.
2009-жылдан тартып Цукерберг ар бир бир жылга карата өзүнүн башкы милдеттерин коюп келет. 2013-жылдын аягында социалдык түйүндүн негиздөөчүсү чет тилдерин окусамбы же тамактануу тартибин өзгөртсөмбү деген ойго келген болчу.
