БИШКЕК, 26-дек — Sputnik. Кыргызстандын милициясы өз алдынча башкаруу органдары менен биргеликте жаңы жылдык майрам күндөрү балатыларды күнү-түнү кайтарышат. КРнын Ички иштер министрлигинин маалымат кызматынын билдирүүсү боюнча, ийне жалбырактуу дарактарды кыюуга жол бербөө үчүн атайын топтор түзүлүп, алар жергиликтүү мамлекеттик администрация жана өз алдынча башкаруу органдарынын өкүлдөрү менен биргеликте түнкү күзөт жүргүзүшөт деп билдирет РИА Новости.
Салюттар, фейерверктер жана башка пиротехника да укук коргоо кызматтарынын көзөмөлүндө болот.
"Кыдырып текшерүү жана оперативдик алдын алуу чараларынын жүрүшүндө пиротехникалык буюмдар сатылып жаткан жерлер аларды сатуу жана сатып алуунун мыйзамдуулугу жагынан текшерүүгө алынат. Милициянын тийиштүү кызматтары мектептерде жана жашаган жерлери боюнча өспүрүмдөр арасында пиротехниканы колдонуудагы коопсуздук эрежелери боюнча түшүндүрүү иштерин жүргүзөт", — деп белгиледи маалымат кызматы.
