БИШКЕК, 24-дек — Sputnik. Россиянын президенти Владимир Путин экономикалык көйгөйлөр менен биргелешип күрөшкөн артык деп эсептейт деп билдирет РИА Новости.
"Бүгүн биздин экономика кандай абалда болбосун, күч-аракеттерди бириктирүү кыйынчылыктар менен жалгыздан күрөшкөндөн артык экенине ишенем", — деди Россия мамлекетинин башчысы Кыргызстандын президенти Алмазбек Атамбаев менен жолугушууда.
Путин кесиптешин КРдин Евразиялык экономикалык биримдикке кошулушу менен куттуктады. Россия лидери "(кыргыз адистеринин) бардык командасы натыйжалуу, тез жана билгичтик менен иштеши" Кыргыз Республикасынын ЕЭБга кошулуусуна шарт түзгөндүгүн белгиледи.
Евразиялык экономикалык биримдик — евразиялык интеграциялоонун алкагында Россия, Белоруссия, Казакстан, Кыргызстан жана Тажикстандын Бажы биримдигинин негизинде 2015-жылдын 1-январынан тартып түзүлүп жаткан экономикалык биримдик. Экономика тармагында мамлекеттер аралык интеграциялоонун алкагында кызматташтык мурдагы советтик мейкиндикте 1990-жылдардын аягынан бери жүргүзүлүп келе жатат. 1999-жылдын 26-февралынан тартып Белоруссия, Казакстан, Кыргызстан, Россия жана Тажикстан Бажы биримдиги жана Бирдиктүү экономикалык мейкиндик тууралуу Келишимге кол коюшкан.
