Балатыны сатып алгандан кийин, аны дароо жылуу жайга алып кирүүгө шашпаңыз. Ал короодо же башка салкын жайда бир аз тура турсун. Бирок балаты бөлмөгө киргенден кийин да аны кооздогонго шашпаңыз: бутактары жакшы жазылганча күтүү керек. Оюнчуктарды алып чыгардан мурда, балатынын жансыз ийнелерин күбүп салуу үчүн тигинен кармап, сөңгөгүн полго жакшылап ургулаңыз. Эми эң башкы эрежелердин бири: балатыны жылуулук берчү батареяга жакын койбоңуз, антпесе ал жаңы жылдык майрамдар аяктаганга чейин чыдабай, куурап калат.
