БИШКЕК, 16-дек — Sputnik. "Манас" эпосу адамзаттын руханий мурастар объектилеринин дүйнөлүк тизмесине киргизилди. Эпосту аталган тизмеге киргизүү жөнүндө тастыктама КМШ Парламенттер Ассамблея Кеӊешинин башкы катчысынын орун басары – КР ЖК өкүлү Нурбек Сатвалдиевге Санкт-Петербург шаарында тапшырылды. Бул туурасында ЖКнын маалымат кызматы билдирди.
"Манас" эпосу адамзаттын руханий мурастар объектилеринин дүйнөлүк тизмесине Нурбек Сатвалдиевдин демилгеси менен киргизилди", – деп билдирди аталган маалымат кызмат.
Адамзаттын руханий мурастар объектилеринин дүйнөлүк тизмеси ("SHA – rating") аймактык коомчулуктун жалпы адамзаттын руханий дөөлөтүнө кирген материалдык маданий буюм-тайымдарды, архитектуралык ансамблдерди, маданий эстеликтерди сактоо, коргоо, өнүктүрүү жаатындагы сапатын баалоого арналган.
