БИШКЕК, 25-ноя — Sputnik. Дүйшөмбү күнү Россия Федерациясы менен Абхазиянын башчылары биримдик жана стратегиялык өнөктөштүк жөнүндө келишимге кол койду. Россиянын президенти Владимир Путин белгилегендей, россиянын Абхазияга көрсөткөн жардамы былтыркы жылга салыштырмалуу эки эсеге өсөт. 2009-2013-жылдары Абхазияга жардам катары берилген россиялык бюджеттик инвестиция 11 миллиард долларды түзгөн.
"Жаңы тапшырмалар, узак мөөнөттүү ориентирлер коюлду. Алар олуттуу каржылоого алынат. 2015-жылы келишимди ишке ашыруу максатында Абхазияга беш миллиард рубль бөлүү каралууда", — деди Путин.
Келишимге ылайык, бирдиктүү коргонуу жана коопсуздук аймагын түзүү, ички иштер органдарын координациялоо борборун куруу каралган. Ошондой эле, Абхазиянын социалдык стандарттарын көтөрүү жана билим берүү, саламаттык сактоо жаатында эмгектенгендердин айлыгын этап менен россиялык деңгээлге чыгаруу кепилденген.
