БИШКЕК, 24-окт — Спутник Кыргызстан. Салтанатты ачып жатып, өкмөт башчысы президент Алмазбек Атамбаевдин куттуктоосун окуп берди. Анда төкмө акындын түрк тилдүү элдердин маданиятындагы ээлеген ордун белгиленген.
Өз сөзүндө Жоомарт Оторбаев Токтогул районунун тургундарын, жалпы кыргызстандыктарды жана меймандарды Токтогул Сатылгановдун 150 жылдык мааракеси менен куттуктады.
"Ушул элдин, ушул жердин кулуну болгон Токтогул Сатылгановдун көп кырдуу өнөрү баарына белгилүү. Ал эч ким теңдешкис акын, айтыш өнөрүнүн чебери жана улуу комузчу. Ырларында Токтогул элдин эркиндигин жана жыргалчылыгын даңазалаган, ал үчүн көп запкы чексе да карапайым элдин бактысы үчүн күрөшүнөн тайган эмес", — деп белгиледи Жоомарт Оторбаев.
Мындай иш-чаралар жаш муундарга өз ата-бабаларын билүүгө жана алар менен сыймыктанууга мүмкүндүк берет деп кошумчалады өкмөт башчысы.
