БИШКЕК, 6-авг. – Sputnik. Интернетте кожойке туурайын деп жаткан сулп эт тактайдын үстүндө өзүнөн-өзү кыймылдап кеткен видео тарады. Бул тууралуу РИА Новости жазды.
Видеону Twitter тармагынын Yo! Artist аттуу колдонуучусу жүктөгөн. Автордун айтымында, анын апасы тамак жасоого камынып жаткан. Бирок эттин кыймылдап жатканын көрүп, аны колдонбой эле коюуну чечкен.
GUYS KENAPA DAGING KORBAN NI GERAKKKKKK
— Yo! Artist (@tterororo) July 31, 2020
Mak aku taknak masak sebab takut 😂 pic.twitter.com/XRma8VIUqH
Видео аз убакыт ичинде дээрлик 21,5 миң "лайк" алды.
Көптөгөн колдонуучулар бул видеону көргөндө чындап эле коркуп кеткенин жазышты. Ал эми башкалар мында корко турган эч нерсе жок экенин, анткени жаңы союлган этте айрым нерв клеткалары дагы деле тирүү болгондуктан кыймылдаганы кадыресе көрүнүш экенин айтышты.
