БИШКЕК, 29-июл. — Sputnik. Компьютерди күн сайын колдонуу организмге стресс сыяктуу эле күч келтирерин жана анын зыянын кантип азайтса болорун Россиянын сапат системасы мекемеси (Роскачество) айтып берди. Кеңештерди РИА Новости жазды.
"Маалымат доорунун жүгүнө адам баласынын дене бою дагы деле адаптация боло элек. Андыктан ар дайым "онлайн" болуу организмге чоң стресс алып келет. Мисалы, компьютерге көпкө отурган адамдардын көзү, башы ооруйт. Бара-бара бул нерсе өнөкөт баш ооруларына, көздүн көрүүсүнүн начарлашына алып келет", — деп айтылат кабарда.
"Роскачество" мекемесинин адистери компьютердин зыянын азайтыш үчүн оңой аткарыла турган кеңештерди берет.
"Иш бөлмө болушунча жарык болгону туура. Мониторго, колдон келишинче, сол тараптан терезенин жарыгы тийип турса жакшы. Көз кургап кетпеш үчүн экран менен адамдын ортосунда кол сунум аралык болушу керек. Баса, көздү улам-улам ирмеп туруу пайдалуу, көрүү органынын чел кабыгы нымдашып туруусу зарыл", — дейт адистер.
Төшөккө жатканда тиктебе. Адис түндө телефон кароонун зыянын түшүндүрдү
Ошондой эле ар бир 15-20 мүнөт сайын компьютерден көздү алып, 10 секунддай алысты карап туруу керек. Бир саат сайын көздү 10-15 мүнөт эс алдырып алган жакшы.
Мындан тышкары, компьютер алдында тамактануу сунушталбайт.
