БИШКЕК, 22-апр. — Sputnik. Коронавирус жуктурган Кытайдагы эки дарыгер сакайгандан кийин терисинин өңү өзгөрүп, ынды кара болуп калышты. Бул тууралуу The Daily Mail жазды.
Ухандык медиктер башка расадагы адамдарга окшошуп калган.
Ю Фан жана Ху Вейфенг аттуу медиктер 18-январда Ухандагы борбордук ооруканада бейтаптарды дарылап жатып илдетке кабылган. Алардын абалы оорлошуп, канга кычкылтек жеткирген аппаратка туташтырылган.
Ооруканада Ю Фан 39 күн, Ху болсо 99 сутка жаткан.
Critically ill Wuhan doctors wake up to find their skin turned dark after beating coronavirus on the verge of death https://t.co/qP2azoiS9J
— Daily Mail Online (@MailOnline) April 20, 2020
“Коронавирус дарыгерлердин организмине тарап гормоналдык баланс бузулган. Буга байланыштуу алардын терисинин түсү өзгөрүп кетти”, — дешти медиктер.
Ю Фан журналисттер менен баарлашып жатып өзүнүн абалын билгенде абдан коркконун билдирген. Ошондой эле түнкүсүн түрдүү түштөр киргенин кошумчалаган. Ал психологиялык тоскоолдуктарды дарыгерлерден консультация алгандан кийин жеңгенин белгилеген.
Эки дарыгердин окуясы соцтармактын оозун ачырды. Алардын сүрөтү кызуу талкуу жаратууда.
Айрымдар башка өзгөрүүлөрдү дагы байкашкан.
“Мурду дагы такыр башка формада болуп калыптыр”, — деди колдонуучулардын бири.
His nose has totally changed shape 🤣🤣🤣🤣
— lottery hater (@LotteryHater) April 20, 2020
2019-жылдын декабрь айында Ухань шаарында COVID-19 илдети табылган. 31-декабрда Кытай бийлиги Дүйнөлүк саламаттык сактоо уюмуна жаңы илдет тууралуу кабар берген. Шаар карантинге жабылып, ооругандардын саны 50 миңге жеткен.
