Коронавирус чыккан Хубэй провинциясы учактарды кабыл ала баштады

© Sputnik / Максим Блинов / Медиабанкка өтүүУчак аэропортко конуп жатат
Учак аэропортко конуп жатат - Sputnik Кыргызстан
Жазылуу
2019-жылдын декабрь айында Хубэй провинциясынын Ухань шаарында белгисиз өпкө оорусу чыгып, дүйнөгө жайылган.

БИШКЕК, 31-мар. — Sputnik. Коронавирус чыккан Кытайдын Хубэй провинциясы авиакаттамдарды кабыл ала баштаганын Республикалык штабдан билдиришти.

Аталган аймакта эпидемиологиялык кырдаалга байланыштуу аба кемелери 63 күндөн бери учпай турган. Азыр акырындык менен аэропорттордон учактарды кайрадан кабыл алуу жана жөнөтүү иштери башталганы кабарланды.

Белгилей кетсек, Кытай бийлиги 19-мартта коронавирус эпидемиясын токтоткондугун расмий түрдө жар салды. Ошондой эле аталган өлкөдө коронавирус жуктургандардын 93 пайызы сакайып кетти.

Кытай дарыгерлери бүлөсү менен 50 күндөн кийин жолукту. Көзгө жаш алдырган видео - Sputnik Кыргызстан
Кытай дарыгерлери бүлөсү менен 50 күндөн кийин жолукту. Көзгө жаш алдырган видео
2019-жылдын декабрь айынын аягында Хубэй провинциясынын Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун COVID-19 деп аталган жаңы тиби экендигин боолголошкон. 11-март күнү Дүйнөлүк саламаттыкты сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Учурда дүйнө жүзү боюнча 785 709 киши коронавируска кабылды. Алардын арасынан 37 686сы каза таап, 165 837 бейтап сакайды.

Кыргызстанда коронавируска кабылгандардын саны 107ге жетти. Алардын 49у эркектер, 58и аял. Булардын арасынан Сузактын үч тургуну айыгып чыкканы кабарланган.

Бишкек, Ош, Жалал-Абад шаарларында жана Сузак, Ноокат, Кара-Суу райондорунда өзгөчө абал жарыяланган. Кечки саат 20.00дөн таңкы 7.00гө чейин коменданттык саат киргизилди. Мындай режим 15-апрелге чейин созулат.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Жаңылыктар түрмөгү
0