18:48 23 Аяк оона 2021
Түз эфир
  • USD84.8000
  • EUR99.3856
  • RUB1.1660
Дүйнөдө
Кыскача шилтеме алуу
183 0 0

Аймактык ЖМКлардын жазышынча, журналисттер "Уурдалган провинция. Эмне себептен Франция 80 жыл мурда Хатайды Түркияга берген" аталыштагы макаласы чыккандан кийин кармалган.

БИШКЕК, 1-мар. — Sputnik. Анкаранын полициясы Sputnik Түркия агенттигинин үч кызматкерин кармады. Буга чейин алардын үйүнө кол салуу болгонун РИА Новости аталган агенттикке шилтеме берип жазды.

"Анкаранын адвокаттар палатасындагы булактар, ошондой эле кол салууга дуушар болгон кызматкерлердин жакындары Sputnik агенттигине билдиришинче, кызматкерлер полицияга көрсөтмө бергенден кийин ишмердүүлүгүнө байланыштуу кармалды", — деп жазылган маалыматта.

Аймактык ЖМКлардын жазышынча, журналисттерди сайттагы "Уурдалган провинция. Эмне себептен Франция 80 жыл мурда Хатайды Түркияга берген" аталыштагы макаласы чыккандан кийин кармашкан. Алар мындан улам прокуратурада суракта болушкан.

Кармалгандардын биринин кошунасынын айтымында, алардын телефонун алып коюшкан. Бирок полиция өкүлдөрү бул маалыматты тастыкташкан эмес.

Буга чейин "Россия сегодня" эл аралык маалымат агенттигинин жана RT телеканалынын башкы редактору Маргарита Симоньян 29-февраль күнү Анкарадагы Sputnik Түркия агенттигинин кызматкерлеринин үйүнө белгисиз адамдар кирүүгө аракет кылганын билдирген. Алар улуттук маанайдагы сөздөрдү айтып, журналисттерди коркутуп, кемсинтип кетишкен. Полицияга кайрылган кызматкерлер менен ошол боюнча байланыш жок.

"Ушу тапта биз БУУ, ЕККУ, ЮНЕСКО, Журналисттердин эл аралык федерациясы өңдүү уюмдарга кайрылып, Sputnik Түркиянын айланасындагы кырдаалга көңүл бурдурууга аракет кылып жатабыз. Бул аракетти сөз эркиндигинин одоно бузулушу, өз ишин так аткарган адамдарды куугунтуктоо катары кабылдап, кызматкерлерибизди тез арада бошотууну талап кылабыз, — деп айтылат "Россия сегодня" агенттигинин маалымат кызматы тараткан билдирүүдө.

Россия ТИМи Түркия бийлигине кайрылып, болуп жаткан окуянын чоо-жайын тактоого чакырды.

Россиянын Стамбулдагы башкы консулдугунун алдындагы акция

Жумага караган түнү Россиянын Стамбулдагы башкы консулдугунун алдында орустарга каршы акция өткөн. Каршылык акциясы Идлибдеги кырдаалдын курчушунан улам келип чыккан. Дипмиссиянын маалыматына караганда, чогулгандар Сириянын түндүгүндө каза болгон түрк аскерлеринин өлүмүнө Россияны жана анын жетекчилигин күнөөлөп чыгышкан.

Мындан сырткары, Башкы консулдуктун соцтармактагы аккаунттарында Россиянын Түркиядагы мекемелеринин дарегине карата коркуткан билдирүүлөр пайда болду.

Россиянын Түркиядагы элчилигинин күзөт кызматы бейшембиден тарта күчөтүлгөн режимде иштеп жатат. Элчиликтеги коопсуздукту полиция камсыз кылууда.

Тема боюнча

Түркия Идлибде Сирия аскерлерине урган соккусунун видеосун жарыялады
Белгилер:
Sputnik, кызматкер, кармоо

ЭҢ МААНИЛҮҮ