БИШКЕК, 20-авг. — Sputnik. Белгилүү Голливуд актёру Дуэйн "Скала" Жонсон ырчы Лорен Хашиан менен баш кошту. Ал кубанычтуу кабары менен Instagram баракчасынан бөлүшкөн.
Посмотреть эту публикацию в Instagram
Мушташ кинолордун жылдызы үлпөт тоюндагы сүрөттөрүн дүйшөмбү күнү жүктөгөн. Сүрөттөгү жазуулардан улам салтанат жекшемби күнү Гавайиде (АКШ) өткөнүн көрүүгө болот.
Анда актёр түстүү көйнөк менен шым кийип, мойнуна өрүлгөн гүлдөрдү илип алган.
Reuters жазгандай, Жонсон менен Хашиан 12 жылдан бери чогуу жашап келишет, ортолорунда Жасмин жана Тиана Гиа аттуу балдары бар.
"Форсаж" жана "Жуманжи" кинолору менен таанылган актёр мурда продюсер Дэни Гарсиага үйлөнгөн. Алар 2008-жылы ажырашканы менен азыркыга чейин кызматташары айтылат. Экөөнүн 18 жаштагы Симоне Александра аттуу кызы бар.
