Маргарита Симоньян Соболь менен болгон окуядан кийин ооруканага түштү

© Sputnik / Владимир Трефилов / Медиабанкка өтүү"Россия сегодня" эл аралык агенттигинин жана RT телеканалынын башкы редактору Маргарита Симоньян. Архив
Россия сегодня эл аралык агенттигинин жана RT телеканалынын башкы редактору Маргарита Симоньян. Архив - Sputnik Кыргызстан
Жазылуу
Башкы редактор Соболдун талаптарын аткарбастыгын, ал эми интервью боюнча маалымат кызматы менен алдын ала сүйлөшүп алуу зарыл экендигин айткан.

БИШКЕК, 7-июн. — Sputnik. "Россия сегодня" эл аралык агенттигинин жана RT телеканалынын башкы редактору Маргарита Симоньян "Эхо Москвы" радиостанциясында Любовь Соболь менен болгон окуядан кийин ооруканага жаткырылды. Бул тууралуу РИА Новости маалымат агенттиги жазды.

Симоньян радиостанциянын эфирине келгенде эмне окуя болгондугун айтып берди. Кире бериште аны Любовь Соболь камера менен тосуп алып, тарта баштаган.

Глава ЦИК Туйгунаалы Абдраимов - Sputnik Кыргызстан
"Кебетеңиз жакпай жатат". Чүйдүн башчысы журналистти келекелеген видео
Жарыяланган видеодон Москванын мэри Сергей Собяниндин "батирлерди Москвада өзүнүн кол алдындагыларга таратып жатат" деген маалыматка комментарий берүүнү сурап жатканын көрүүгө болот.

Башкы редактор анын талаптарын аткарбастыгын, ал эми интервью боюнча маалымат кызматы менен алдын ала сүйлөшүп алуу зарыл экендигин айткан. Анткен менен Алексей Навальныйдын тарапташы Симоньяндын артынан калбай, комментарий сурап ээрчип алганын көрүүгө болот.

Симоньян Соболь аны менен сүйлөшүүнү каалабагандыгын айткан. Ал эми радионун кызматкерлерине ага азыр тынчсызданууга болбостугун түшүндүрүп, Соболду алып кетүүнү суранган.

"Эхонун" кызматкерлери ал эшиктин алдында мени жарым сааттай күтүп, кайтарып тургандыгын айтышты. Коридордон мени кууп жетип, андан соң радиочулар мени Венедиктовдун кабинетине киргизип кетишти. Жакшынакай кыз экен. Кош бойлуу аялды коридордон кармап алып, суроо берүү шайлоо алдындагы кампаниянын жакшы деле ыкмасы эмес", — деп айткан Симоньян.

Соболдун бул аракети журналисттер коомунун талкуусун жаратты.

"Эхо Москвы" радиостанциясынын башкы редактору Алексей Венедиктов мындай жагымсыз жагдай үчүн Симоньяндан кечирим сураган.

"Маргарита Симоньяндан "Эхо Москвы" радиостанциясында болгон окуядан улам кечирим сурайм. Тезирээк сакайып кетишин каалайм", — деп жазган ал өзүнүн Telegram-каналына.

Венедиктов башкы редактор менен болгон маекти күткөндөрдөн да кечирим сураган.

Теле алып баруучу жана журналист Владимир Соловьев да Соболдун мындай кылыгын туура эмес деп таап, сынга алган.

"Соболь баягы эле өзүнүн репертуарында, булар барган мындан өткөн пастык жок", — деген ал.

Соловьевдун айтымында, "Эхо Москвы" радиостанциясынын кызматкерлери келе турган коногун тыңыраак карап алса болмок.

Жаңылыктар түрмөгү
0