БИШКЕК, 6-май. — Sputnik. Британиянын канзадасы Гарриге жубайы Меган уул төрөп берди. Бул туурасында РИА Новости жазды.
Ошентип Елизавета II сегизинчи чөбөрөлүү болду.
"Уул келди! Герцог менен герцогиня кубануу менен бул жаңылыкты жарыялайт", — деп жазылат жубайлардын Instagram-аккаунтунда.
Падышалык тактыга сегизинчи талапкер болгон ымыркайга кандай ысым ыйгарылганы бир нече күндөн кийин айтылат. Анын алгачкы сүрөтү дагы азырынча көрсөтүлбөйт.
Эске салсак, канзада Гарри менен мурдагы актриса Меган Маркл былтыр 19-майда үйлөнүшкөн.
