Нурмагомедов келинчегине сөз тийгизген Макгрегорго жооп берди

© AP Photo / John LocherUFC мушкерлери Хабиб Нурмагомедов жана Конор Макгрегор. Архив
UFC мушкерлери Хабиб Нурмагомедов жана Конор Макгрегор. Архив - Sputnik Кыргызстан
Жазылуу
Ал арада россиялык спортчунун менеджери Али Абдель-Азиз Макгрегор анын аялын эле эмес, жарым миллиард мусулманды мазактады деп жазган.

БИШКЕК, 3-апр. — Sputnik. Россиялык мушкер Хабиб Нурмагомедов Twitter социалдык тармагынан келинчегине сөз тийгизген Конор Макгрегорго жообун айтты. Бул туурасында РИА Новости жазды.

Буга чейин ирландиялык мушкер Twitter тармагына Нурмагомедовдун жубайын "сүлгү" деп жазып, бирок анысын кийинчерээк өчүрүп койгон.

"Сен кылган ишиңе жооп бере албаган зөөкүрсүң. Ушулардын баары өзүңдүн башыңа тиет. Көрөсүң го", — деп жазган Нурмагомедов.

​Ал арада россиялык спортчунун менеджери Али Абдель-Азиз Макгрегор анын аялын эле эмес, жарым миллиард мусулманды мазактады деп жазган.

Россиялык UFC мушкери Хабиб Нурмагомедов. Архив - Sputnik Кыргызстан
Хабибдин UFC боюнча кезектеги беттеши качан өтөрү белгилүү болду
Бул Макгрегордун UFC чемпионунун дарегине агрессиялык маанайда айткан биринчи жолку кеби эмес. Буга чейин Нурмагомедовду "келемиш" деп жазган. Буга жооп кылган атаандашы ирландиялыктын "өзүнүн абийирин өзү төгүп алганын", эми анысы менен өмүр бою жашай турганын айткан.

2018-жылы 6-октябрда россиялык Нурмагомедов ирландиялык Макгрегорду муунтуу ыкмасы менен утуп, UFC уюмунун жеңил салмактагы чемпиону титулун коргоп калган. Нурмагомедов уткандан кийин октагондон секирип чыр чалган. Көп өтпөй окуянын чоо-жайы белгилүү болду. Анткен менен Невада штатынын Атлетикалык комиссиясы россиялык спортчуну тогуз айга дисквалифициялап, 500 миң долларга айыпка жыккан.

Жаңылыктар түрмөгү
0