БИШКЕК, 7-мар. – Sputnik. Россиялык Су-27 истребители АКШнын Аскер аба күчтөрүнүн RC-135 чалгынчы учагын кармап, аны нейтралдуу аймакка чыгарып жибергенин РИА Новости жазды.
Кадрдан россиялык учактын америкалык чалгынчы техниканын артынан асмандан такымдап кууп жеткенин көрүүгө болот.
#Видео Российский истребитель #Су27 из состава дежурных сил по противовоздушной обороне поднимался для перехвата самолета-разведчика #RC135 #ВВС #США над нейтральными водами Балтийского моря https://t.co/fbo8lzhWkJ @RussiaInUSA @MID_RF #Перехват #БалтийскоеМоре pic.twitter.com/evkmyub4fy
— Минобороны России (@mod_russia) 7 марта 2019 г.
Су-27нин нөөмөттүк курамы абадагы коргонуу операциясынан, чоочун учакты россиялык чек арадан ары узатып койгондон кийин аэродромго ийгиликтүү кайтып келген.
Ал эми кармалган RC-135 — радиоэлектрондук чалгын жана асмандан сүрөткө тарткан, бирок куралданбаган учактын түрү. Ал АКШнын Аскер аба күчтөрү менен Аскер деңиз флотуна карайт.
"Акыркы учурларда чет мамлекеттердин чалгынчы-учактарынын россиялык чек арада пайда болгон учурлары күч алган. Өзгөчө америкалык учуучу аппараттардын активдешкени байкалат", — деп жазылган маалыматта.
Нөөмөттүк күчтөр 4000ден ашуун ирет биринчи номердеги даярдыкка келип, шайма-шай турган.
Аталган өлкөнүн Коргоо министрлиги АКШга мындай операциялардан алыс болууну эскерткени менен Вашингтон баш тартуу менен жооп кайтарган.
1-мартта америкалык учак Boeing OC-135B Россиянын аймагынын үстүнөн байкоо салып учуп өткөн. Ал ЕККУга мүчө өлкөлөрдүн ортосунда Ачык асман боюнча түзүлгөн эл аралык келишимдин алкагында жасалган. Документке караганда, мамлекет уюмга мүчө болгон башка тараптын аймагынын үстүнөн учуп өтүп, чалгындоо иштерин жүргүзүп, маалымат топтой алат.
