БИШКЕК, 31-май — Sputnik. Түндүк Корея лидери Ким Чен Ын Россия ТИМи Сергей Лавров менен жолукканда, президент Владимир Путиндин саламаттыгына кызыкты. Бул туурасында РИА Новости жазды.
Ким Чен Ын менен министр Сергей Лавровдун жолуккан видеосу РФтин тышкы иштер министрлигинин сайтына да жарыяланды.
#Лавров во время встречи с Председателем Госсовета КНДР Ким Чен Ыном: Заинтересованы в том, чтобы как на Корейском полуострове, так и в целом в Северо-Восточной Азии была обстановка мира, стабильности и процветанияhttps://t.co/tkYW32AVju pic.twitter.com/5WNZB7pkI9
— МИД России 🇷🇺 (@MID_RF) May 31, 2018
Тараптардын расмий жолугушуусунда Ким Чен Ын министр Лавровдон Россия лидери Путиндин саламаттыгына кызыккан.
"Жолдош Путиндин ден соолугу кандай?" деген суроого Россия ТИМи "Ден соолугу сонун" деп жооп узаткан.
Видеодон көптөр үчүн табышмак болгон Ким Чен Ындын сүйлөп, сүрөткө түшүп, кези келгенде тамашалап, ал тургай ага арналган белекти кызыгуу менен кабыл алып жаткандыгын көрүүгө болот.
Эки тараптуу сүйлөшүүлөрдөн кийин ал Путинге жана орус элине салам айта барууну өтүнгөн.
"Силер биз үчүн жакшы доссуңар. Бош эместигиме карабай силер үчүн убакыт таптым", — деген Ким Чен Ын.
Лавров иш сапар менен Түндүк Кореяга барып, аталган өлкөнүн мамлекеттик кеңешинин төрагасы Ким Чен Ын жана бир катар расмий адамдар менен жолукту.
