БИШКЕК, 7-апр — Sputnik. Абсолюттук мушкердик чемпионат (UFC) расмий YouTube каналына ирландиялык мушкер Конор Макгрегор UFC турниринин катышуучулары, анын ичинде Хабиб Нурмагомедов кетип бараткан автобуска кол салган видеону толугу менен жарыялады.
Видеодо Конор автобуска жүк ташыган араба менен темир тосмолорду ыргытып, унаанын аркасынан чуркап, коркутуп кыйкырып жатканын көрүүгө болот. Окуядан автобустун ичиндеги мушкер Майкл Кьеза менен Рэй Боргдун бети чийилип, көзүнүн сырткы челинен жаракат алган. Мындан улам алар UFC турнирине катыша албай калышты.
Ошондой эле видеодо Хабиб Нурмагомедовдун Макгрегорго жолугалы деген кайрылуусун көрүүгө болот.
"Мага болгону каяктан жолугабыз ошону эле айт. Сага бул жакка келгендин кандай кажети бар эле? Сен эмне мушташкың келип жатабы же эмне? Мага жолуга турган болсоң билдирүү жаз, мен каалаган жагыңа барам", — деди Нурмагомедов.
Макгрегор окуя болгон күндүн эртеси бошотулуп, 50 миң доллар айыпка жыгылган.
JUST IN: #UFC star Conor McGregor walked out of police station in #NewYorkCity after backstage melee he allegedly instigated pic.twitter.com/h8MUGhJDKr
— WBZ | CBS Boston News (@wbz) April 6, 2018
Каражат ушул жылдын июнь айынын ортосун чейин төлөнүшү керек. Ошондон кийин бейбаштык жана жеке тарапка зыян келтиргендиги үчүн жооп берет.
