Кыздары төрөт үйдө алмашканын 40 жылдан соң билген эки аял сотко кайрылмакчы

© Sputnik / Игорь Зарембо / Медиабанкка өтүүЫмыркайлар. Архив
Ымыркайлар. Архив - Sputnik Кыргызстан
Жазылуу
Тагдыр эки үй-бүлөгө эки башкача жылмайган

БИШКЕК, 27-фев. — Sputnik. Пермь аймагындагы Пожвинск төрөтканасында мындан 40 жыл мурда көз жарган эки аял кыздары алмашып кеткени үчүн сотко кайрылууга камданып жатат. Бул туурасында РИА Новости агенттигине жабырлануучулардын жактоочусу Игорь Саввин билдирген. 

1978-жылы 7-мартта майрамдын алдында аталган төрөтканада төрт ымыркай жарык дүйнөгө келген. Акушерлер энелерди үйгө чыгарып жатканда кыздарды алмаштырып алышкан да, эки башка энеге берип коюшкан.

Жактоочу азыр энелер менен кыздар доо арыз даярдап жаткандыгын айтып берген.

Боюнда бар келин. Архив - Sputnik Кыргызстан
Өзү төрөп баласын катып койгон келин окуянын чоо-жайын айтып берди
Бул жерде тагдыр эки үй-бүлөгө эки башкача жылмайган. Энелердин бири Римма Швецова ымыркай өзүнүкү эмес экендигине төрөтканадан чыккандан кийин эле шектенип, бирок жаш эне ага анча маани берген эмес. Маселенин баары кызы Вероника чоңоё баштаганда чыккан. Аялдын күйөөсү кызды "окшош эмес" деп чыр чыгара берип, акыры алар ажырашып тынган.

Ал эми Савельеванын тагдыры такыр башкача болуп, бала камкордук менен ата-энесинин сүйүүсүнө бөлөнүп чоңойгон. Үй-бүлө окуянын чоо-жайын кыздын биологиялык энеси Римма Швецова айтканда гана билген.

Жактоочунун айтымына караганда, Швецова чындык издеп россиялык Биринчи каналдын "Пусть говорят" программасына да кайрылган. Программа жазылып жатканда тапшырылган ДНК-тесттин жыйынтыгы баккан балдары башка экенин көрсөткөн. Тагыраагы, ымыркайлар чындыгында эле алмашып кеткени белгилүү болгон.

Жабырлангандар аймактык ооруканадан тарта Россиянын Саламаттык сактоо министрлигин да сотко берүүгө ниеттенип жатат.

Буга окшогон окуя жакында эле Волгоград облусунда да болгон. Дарыгерлер өлдү деп айткан бала жети жылдан кийин аман-эсен балдар үйүнөн табылган.

Жаңылыктар түрмөгү
0