12:01 19 Жетинин айы 2019
Түз эфир
  • USD69.8500
  • EUR77.2541
  • RUB1.0956
Дүйнөгө Муз бала (Ice Boy) деп таанылган кытайлык Ванг Фуман

Чачына муз тоңгон кытайлык балага соцтармак 450 миң доллар чогултуп берди

© AFP 2019 /
Дүйнөдө
Кыскача шилтеме алуу
206330

Кытайлык окучунун чачына муз тоңуп калган сүрөтү интернетке тарап, коомчулуктун көңүл чордонуна түшкөн. Ал кыштын суугунда 4,8 чакырым жолду басып мектепке барган.

БИШКЕК, 3-фев. — Sputnik. Дүйнөгө "Муз бала" (Ice Boy) деп таанылган кытайлык окуучуга социалдык тармактын колдонуучулары 450 миң доллар чогултуп беришти. Бул туурасында Sputnik Өзбекстан агенттиги билдирди.

Мектеп окуучулары. Архивдик сүрөт
© Sputnik / Табылды Кадырбеков
Ванг Фумандын чачына муз тоңуп калган сүрөтү интернетке тарап, коомчулуктун көңүл чордонуна түшкөн. Ал кыштын суугунда үйүнөн мектепке чейинки 4,8 чакырым аралыкты басып өткөн. Окуучу экзаменге шашып жатып, башына топу кийүүнү унутуп чыгып кеткен.

Мугалиминин айтымында, мектеп каржылык жактан аз камсыздалгандыктан бөлмөлөр жылыбай, балдар сырткы кийимдери менен окушчу. Ванг Фуман жакыр үй-бүлөдө чоң энеси жана эжеси менен жашайт. Гипотермия (денеси жылыбай муздай берет) менен ооруган жеткинчектин колдору шишип, бармактары кыймылга келбей калат.

"Муз бала" билим алуу гана жакырчылыктан чыгуунун бирден-бир жолу деп эсептеп, оор кыйынчылыктарга карабай көгөрүп мектепке каттап келет.

​Мындан улам интернет колдонуучулары баланын келечегине кайдыгер карабай, бир нече күндө 3 миллион юандан ашык (450 миң доллар) каражат чогултуп беришкен. Бул акчалар Вангга жана башка окуучуларга жылуу кийим алып берүүгө жана мектептин жылуулугун оңдоого жумшала турганы маалым болду.

Тема боюнча

Кытайда мектеп окуучусу "чач жасалгасы" менен элдин боорун эзди. Сүрөт

ЭҢ МААНИЛҮҮ