00:22 25 Кулжа 2018
Түз эфир
  • USD68.2440
  • EUR79.6305
  • RUB1.0791
Марк Цукербергтин архивдик сүрөтү

Цукерберг Facebook лентасынын өзгөрүшүнөн улам 3 млрд. доллар жоготту

© REUTERS / Stephen Lam / File Photo
Дүйнөдө
Кыскача шилтеме алуу
454 0 0

Цукерберг өзгөрүүлөрдөн улам элдин Facebook тармагына короткон убактысы текке кетпей, пайдалуу маалыматтарды алат деп ишенгенин айткан

БИШКЕК, 13-янв. — Sputnik. Марк Цукерберг Facebook компаниясынын жаңылыктар түрмөгүндө бир катар өзгөрүүлөр боло тургандыгын айткандан кийин анын баалуу кагаздары биржада 4,5 пайызга төмөндөп кетти. Бул туурасында РИА Новости жазды.

Компаниянын акцияларынын 14 пайызы Цукербергге таандык, баалуу кагаздарынын наркынын түшүп кетишинен бизнесмен 3,2 миллиард долларын жоготкон.

Буга чейин Facebook башчысы пландап жаткан өзгөрүүлөр кишилердин ортосундагы гана баарлашууну бекемдеп, тармак анын жазгандары башка элдин баарына эле көрүнө бербегендей кылып жасай турганын айткан.

"Мен биздин жумушчу топтун иш багытын сизге ылайык келген контентти таап, өзүңүзгө маанилүү болгондор менен өз ара байланышты түзүүгө жардамдашкандай кылып өзгөрттүм. Маалыматтар лентаңызга негизинен туугандарыңыздан, сизге белгилүү досторуңуздан, топтордон келмекчи", — деп жазган Цукерберг Facebook баракчасына.

Анын айтымына караганда, компаниялардын, бренддердин жана жалпыгы маалымдоо каражаттарынын койгон посттору азаят.

"Кирген мындай өзгөрүүлөрдөн улам эл Facebook тармагында аз отуруп, сайтка кирүүчүлөр азаят. Бирок мунун менен Facebook тармагына короткон убактыңыз текке кетпей, пайдалуу маалыматтарды аласыз деп ишенем", — деген Цукерберг.

Facebook — 2004-жылы Марк Цукерберг тарабынын түптөлгөн дүйнөдөгү эң белгилүү социалдык тармак. 2017-жылдын 30-сентябрына карата ал жерде 23 миң 165 адамдын иштей турганы белгилүү болгон. Күн сайын Facebook тармагына 1 миллиард 37 миллионго чукул колдонуучу кирет. Ал эми бир айда бул тармакты колдонгондордун саны 2,07 миллиард кишиге жеткен.

Тема боюнча

Колдонуучулар Facebook тармагы иштебей калып, кайра оңолгонун айтышты
Момбеков: адамдар китепти Facebook тармагына алмаштырып коюшту
Facebook компаниясы соцтармактар адамга зыяндуу экенин мойнуна алды
Белгилер:
өзгөрүү, доллар, Facebook, Марк Цукерберг
Колдонуу эрежелериПикирлер

ЭҢ МААНИЛҮҮ