БИШКЕК, 6-дек. — Sputnik. Time журналынын онлайн добуш берүүсүнүн жыйынтыгында "Жыл адамы — 2017" деп Сауд Аравиясынын мураскер ханзадасы Мухаммед бен Салман Аль Сауд табылган.
Добуш бергендердин 24 пайызы ханзаданы тандаган.
Белгилей кетсек, Мухаммед бен Салман Аль Сауд 4-ноябрдан тарта коррупция менен күрөшүү комитетин жетектей баштаган. Кызматка дайындалган күндүн эртеси ал өлкөнү башкарып жаткан үй-бүлөнүн 11 мүчөсүн жана кыркка жакын белгилүү аткаминерди арам акчаларды адалдоо, кызматтык абалынан кыянаттык менен пайдалануу жана пара алган деген айып менен кармоону тапшырган.
Былтыр онлайн добуш берүүнүн жыйынтыгында жыл адамы деп Индиянын премьер-министри Нарендра Моди табылган.
Эске салсак, окурмандар менен редакциянын тандоосу бири-биринен айырмаланат. Анын жыйынтыктары 6-декабрда аныкталмакчы.
