БИШКЕК, 4-ноя. — Sputnik. Окумуштуулар ата-энеси кичине кезинде көп урган балдар депрессияга жана башка психологиялык ооруларга жакын болушаарын айтышты. Бул тууралуу РИА Новости Science Daily агенттигине таянып жазып чыкты.
Илимпоздор Американын поликлиникаларындагы 8,3 миң бейтапка сурамжылоо жүргүзгөн. Ага катышкан адамдардын 55 пайызы кичине кезинде ата-энелери уруп-сокконун жазышкан.
Мындан улам илимпоздор ата-эне, чоңдор тарабынан соккуга кабылган балдар депрессия, өзүн-өзү өлтүрүү, ичкилик жана баңгиликке жакын болот деген жыйынтык чыгарышкан.
