"Игра престолов" сериалында Жон Сноунун ролун аткарган Кит Харингтон өзүнүн келинчегинин кантип жүрөгүн түшүргөнүн The Jonathan Ross Show ток-шоусунда айтып берди. Бул тууралуу Fox News каналына шилтеме бетип РИА Новости жазды.
Харрингтондун өзүнүн айтымында, анын үй-бүлөсү бири-бирин тамашага салганды аябай жакшы көрөт. Ошол себептүү актер аялынын жүрөгүн түшүрүү үчүн кебетеси өзүнүкүндөй болуп жасалган башты үйүндөгү муздаткычка салып койгон.
Kit Harington Left A Severed Head In Rose Leslie's Fridge, And It Did Not Go Down Well https://t.co/cBvfMSeRbG pic.twitter.com/ctKzErAxEx
— GOT Newz (@GOTseries_Newz) 9 октября 2017 г.
Видеодо көрүнүп тургандай, актердун жубайы муздаткычты ачып, андагы башты көргөндө кыйкырып-өкүрөт дагы тизелеп отуруп калат.
"Роуз ыйлап отурганда мен бөлмөгө кире калып "Биринчи апрелиң менен!" деп кыйкырдым. Көрсө анын үй-бүлөсү мындай майрамдарды майрамдап көрүшпөптүр", — деди Харингтон.
Кит Харингтон "Игра престолов" сериалындагы Жон Сноунун ролунан кийин популярдуулукка жеткен. Мындан тышкары, "Помпеи", "Воспоминания о будущем", "Призраки: Лучшая участь" фильмдерине тартылган.
