БИШКЕК, 19-авг. — Sputnik. Дүйнөдөгү ири Facebook социалдык тармагынын негиздөөчүсү Марк Цукерберг экинчи баласы төрөлөрү менен декреттик өргүүгө кетерин айтты. Бул туурасында ал өзүнүн социалдык баракчасына жазды.
"Жакында экинчи кызыбыз жарыкка келет. Андыктан мен кайрадан эки айлык декреттик өргүүгө кетүүгө камынып жатам. Мен келгенде кеңсе баягы эле ордунда турарына ишенем", — деп жазган Facebook тармагындагы баракчасына.
Ал эки айга кетерин, биринчи кызы төрөлөрү менен экинчисин декабрга пландап жатканын жазган.
Марк Цукерберг 33 жаштагы ишкер, Facebook социалдык тармагынын негиздөөчүсү. Ал Гарвард университетинде 2-курста билим алып жатканда окуусун таштап коюп, бизнеске кеткен. Facebook тармагынын активдүү колдонуучулары 2017-жылдын биринчи жарымында 2,01 миллиардга чукулдап барган. Ал 2012-жылы Присцилла Чанга үйлөнүп, жубайлар 2015-жылдын декабрь айында Максима аттуу кыздуу болушкан.
