АКШда аюу жолтандабасты "айдай качты"

© Sputnik / Екатерина Чеснокова / Медиабанкка өтүүКалининградский зоопарк
Калининградский зоопарк - Sputnik Кыргызстан
Жазылуу
Полиция киши бир нече саатта талкалай турган нерсени аюу бир нече мүнөттө иштен чыгарып салганын айтты

БИШКЕК, 8-авг. — Sputnik. Американын Колорадо штатындагы Дуранго шаарында аюу токтоп турган жолтандабасты "айдай качып", анысы аз келгенсип, талкалап салды. Бул туурасында РИА Новости Associated Press агенттигине шилтеме берип кабарлады.

Түндө аюу автоунаанын тормоздук системасын иштетип, үйдүн жанындагы аянттан "айдап кеткен". Ал көпкө узабай маңдайкы имараттын почта түркүгүн сүзгөн.

​Ызы-чууну уккан коңшулары полиция чакырган. Тартип сакчылары келгенде ээн калган жол тандабасты, үзүлүп кеткен рулун жана радионун сынып кеткен тетиктерин тапкан. Андан сырткары, арткы айнек талкаланып калган.

"Киши бир нече саатта талкалай турган нерсени аюу бир нече мүнөттө иштен чыгарып салыптыр", — деди полиция кызматкери.

Буга чейин аталган аймакта аюулар көп окуяга кабылып, имаратты кээ бир учурда эркин аралап жүргөн учурлары кездешкен.

Жаңылыктар түрмөгү
0