07:45 06 Теке 2020
Түз эфир
  • USD77.1102
  • EUR86.6140
  • RUB1.0938
Дүйнөдө
Кыскача шилтеме алуу
170 0 0

Дүйнөдө жылына болжол менен 5,7 триллион чылым чегилет. Алардын ичинен 4,5 миллиарды атайын таштандыга эмес, жолго, сейил бакка, газонго ташталат.

БИШКЕК, 8-авг. — Sputnik. Австралиялык окумуштуулар чылымдын калдыктарын жолго төшөлчү асфальтка аралаштырууну сунуштап жатканын Construction and Building Materials журналына шилтеме берип РИА Новости жазды.

Илимпоздордун пикири боюнча тамеки калдыктары жолдордун сапатын жакшыртууга жардам берет.

"Биз көп жылдардан бери тамекинин калдыгынан кутулуунун оңой жана арзан жолун издеп жүргөнбүз. Бул таштандылардан уулу заттар бөлүнүп чыкпашы үчүн үстүнө парафин жана битум төшөлөт. Мындай жол менен сапаттуу материал таап, ошол эле маалда таштандыдан оңой арылууга болот", — деп окумуштуулар билдирди.

Адам баласынан арткан таштандылардын жыл сайын көбөйүп баратышы, калдыктарды курулуш материалдары катары колдонууга идея жаратып келет.

Мисалы, ушул тапта жолго төшөлүп жаткан асфальттын курамында майдаланган дөңгөлөктөр, ал эми кирпичтерге айнек идиштердин калдыктары кошулат.

Маалыматка караганда, жылына дүйнөдө болжол менен 5,7 триллион чылым чегилет. Алардын ичинен 4,5 миллиарды атайын таштандыга эмес, жолго, сейил бакка, газонго ташталат.

Тема боюнча

Окумуштуулар шекердин ден соолукка тийгизген таасирин иликтешти
Окумуштуулар чымчык тамекинин калдыгын уясына эмнеге ташырын изилдешти
Белгилер:
жол, курулуш, Окумуштуулар, асфальт, тамеки

ЭҢ МААНИЛҮҮ