Чемпиондор Лигасындагы видео. Жабыркаган 600 адам, чаңырык, жөөлөшүү

БИШКЕК, 4-июн. — Sputnik. Италиянын Турин шаарындагы футбол көрө турган фан-аянтта Чемпиондор лигасынын финалын көрүп жаткан учурда жөөлөшүү болуп, 600дөй адам жабыркады. Бул туурасында РИА Новости Football Italia порталына таянып кабарлады. 

​Кечээ түнү жергиликтүү "Ювентус" менен Мадриддин "Реалы" финалда беттешип, оюн "Ювентустун" жеңилүүсү (1:4) менен аяктады.

Туринде чоң экрандан оюнду көрүү үчүн 20 миңге чукул адам чогулган. Алдын ала маалыматтарга караганда, "Реал" үчүнчү голун киргизгенден кийин аянтта бир нече петарда жарылып, андан соң дүрбөлөң башталган. Күйөрмандардын бир катары тепсениде калганы айтылууда. Алгач жабыркагандардын саны 200гө жетти деген маалымат түшкөн.

Corriere телеканалы ызы-чуу петарданын жарылышынан эмес, тротуардагы темир дарбазанын кулап кеткенинин улам болду деп жазды. Учурда 10 адамдын оор абалда ооруканада жаткандыгы айтылууда.

Жөөлөшүүгө күбө болгондор аны 1985-жылдын май айында Бельгиядагы "Эйзель" стадионунда болгон окуя менен салыштырды. Анда "Ювентус"менен "Ливерпуль" ойногон. Жөөлөшүүдө трибунанын биринин дубалы кулап кетип, 39 адам каза таап, 100дөгөн киши жаракат алган.