БИШКЕК, 31-мар. — Sputnik. Европалык окумуштуулар Мартин Ниффелер менен Клаус Биркхофер жөргөмүштөр планетанын жашоочуларын бир жыл ичинде жеп салууга жөндөмдүү экендигин айтты. Бул туурасында РИА Новости The Washington Post басылмасына таянып кабарлады.
Салыштыра келгенде Жер планетасындагы жети миллиардга чукул жашоочунун биосалмагы 357 миллион тоннага чукул. Ошондо, образдуу айтканда, жөргөмүштөр бир жыл ичинде дүйнө жүзүндөгү адамдарды жеп койсо да ачка калышат экен деп жазылган маалыматта.
Окумуштуулар Жердин булуң-бурчтарында бир чары метр жерге канча жөргөмүш туура келерин, алардын канча азык жей турганын эсептеп чыккан. Маселен, орто эсеп менен алганда бир чарчы метр жерге 131 жөргөмүш туура келет экен.
Жөргөмүштүн көпчүлүгү курт-кумурскалар менен тамактанат. Анткен менен көлөмү чоңураактары кескелдирик, канаттуу, ал тургай майдараак сүт эмүүчүлөрдү да жейт деп жазган The Washington Post.
