Тайландда ташбаканын ичинен беш килограмм тыйын чыкты

© REUTERS / ATHIT PERAWONGMETHAТайланд зоопаркынын ветеринарлары тирүү ташбакага операция жасап, анын курсагынан беш килограмм тыйын табышкан
Тайланд зоопаркынын ветеринарлары тирүү ташбакага операция жасап, анын курсагынан беш килограмм тыйын табышкан - Sputnik Кыргызстан
Жазылуу
Жаныбардын ичинен чыккан тыйындар дүйнөнүн ар кайсы мамлекетине таандык болгон.

БИШКЕК, 7-мар. — Sputnik. Тайланд зоопаркынын ветеринарлары тирүү ташбакага операция жасап, анын курсагынан беш килограмм тыйын табышкан. Бул тууралуу РИА Новости Таиланддын үчүнчү улуттук телеканалына таянып кабарлады. 

Билдирүүгө ылайык, ташбаканын ичинен чыккан тыйындар дүйнөнүн ар кайсы мамлекетине таандык болгон.

"Бул ташбакалар көп жылдан бери туристтер көп келген Чонбури облусундагы зоопаркта жашашат. Туристтер арасында эгер деңиз ташбакалары бар сууга тыйын ыргытса, Таиландга кайра келесиң деген ишенимдер болгон. Бир нече күндөн кийин зоопарктын кызматкерлери бир ташбака оң капталына эңкейип сүзгөнүн байкашкан. Аны рентгенге түшүргөндө курсагынан тегерек, жалпак темирлер көрүнгөн", — деп жазылат маалыматта.

Ташбакага операция ийгиликтүү жасалып, анын ичиндеги тыйындар алынган. Маалыматта операциядан кийин жаныбардын абалы турукташып калганын кошумчалаган.

Жаңылыктар түрмөгү
0