https://sputnik.kg/20210503/maksat-ajylynda-60tan-ashuun-uj-orttolgon-1052367140.html
Үйдөн биринчи чек арага зым тартып бергилечи. Муңга толгон Максат айылынан видео
Үйдөн биринчи чек арага зым тартып бергилечи. Муңга толгон Максат айылынан видео
Sputnik Кыргызстан
Кыргыз-тажик чек арасындагы жаңжал 28-апрелде башталып, төрт күндөн кийин басылды. Лейлек районунун Максат айылына тажикстандыктар 29-апрелде кирген... 03.05.2021, Sputnik Кыргызстан
2021-05-03T02:27+0600
2021-05-03T02:27+0600
2021-12-14T14:27+0600
жаңылыктар
коом
кыргызстан
видео
мультимедиа
кыргыз-тажик чек арасы
максат айылы
жаңжал
турак жай
мектеп
https://sputnik.kg/img/07e5/05/03/1052367341_0:-1:1911:1080_1920x0_80_0_0_2f25d0330128531805732dc5cf2116e6.jpg
Sputnik Кыргызстан агенттигинин кабарчылары бүлүнүп, өрттөлүп, тонолуп ээн калган Максат айылынын азыркы көрүнүшүн тартып, жашоочулардын муң-зарын угуп келди.Тургундар кайтып келип күлгө айланган турак жайын тиктеп отуруп калышты. Кээ биринин үйүн өрттөп гана тим болбой, дубалын түрттүрүп тегиздеп салышкан.Тажик тараптын чабуулунан социалдык объектилер да талкаланган. Сегиз жыл мурун жаңы салынган Максат орто мектеби жарактан чыгып, ал жерден миномёттун октору табылды.Бала бакчаны да өрттөп жиберишкен, фельдшердик-акушердик пунктунун, милиция бөлүмүнүн төрт дубалы гана калган.Айыл тургуну Абдыкул Байзаков 10 жыл Россияда иштеп жүрүп там салган. Ал кол салгандар үйүн өрттөп, короосундагы малын, “Жигули” унаасын алып кеткенин айтат. Учурда анын эч бир мал-мүлкү калган эмес.Биринчи вице-премьер Артем Новиков айылдагы бардык үйлөр, социалдык объектилер сентябрь айына чейин толугу менен калыбына келтирилерин убадалады.Максат айылында 200дөй түтүн жашайт, 60тан ашуун үй күйгөн. Жолдун сол тарабында Тажикстандын, оң тарабында Кыргызстандын айылы жайгашкан. Ортосуна зым тартылып бөлүнгөн эмес.Жалпы жонунан кыргыз-тажик чек арасынын узундугу 970 чакырымды түзөт, бүгүнкү күндө анын 504 чакырымы гана такталган. Эки өлкө эгемендүүлүк алгандан бери 70 талаштуу аймактын тагдырын чече албай келет.
https://sputnik.kg/20210501/arka-ajylynyn-turgunu-gulajym-1052345301.html
максат айылы
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Эламан Карымшаков
https://sputnik.kg/img/07e6/05/1f/1064839300_1542:278:2282:1018_100x100_80_0_0_8baacefadfb49ebef17989904b210a04.jpg
жаңылыктар, коом, кыргызстан, видео, мультимедиа, кыргыз-тажик чек арасы, максат айылы, жаңжал, турак жай, мектеп, өрт, баткендеги кыргыз-тажик жаңжалы
жаңылыктар, коом, кыргызстан, видео, мультимедиа, кыргыз-тажик чек арасы, максат айылы, жаңжал, турак жай, мектеп, өрт, баткендеги кыргыз-тажик жаңжалы
Үйдөн биринчи чек арага зым тартып бергилечи. Муңга толгон Максат айылынан видео
02:27 03.05.2021 (Жаңыртылды: 14:27 14.12.2021) Кыргыз-тажик чек арасындагы жаңжал 28-апрелде башталып, төрт күндөн кийин басылды. Лейлек районунун Максат айылына тажикстандыктар 29-апрелде кирген. Жашоочулар жарым саат мурун качып чыгууга үлгүргөн.
Sputnik Кыргызстан агенттигинин кабарчылары бүлүнүп, өрттөлүп, тонолуп ээн калган Максат айылынын азыркы көрүнүшүн тартып, жашоочулардын муң-зарын угуп келди.
Тургундар кайтып келип күлгө айланган турак жайын тиктеп отуруп калышты. Кээ биринин үйүн өрттөп гана тим болбой, дубалын түрттүрүп тегиздеп салышкан.
Тажик тараптын чабуулунан социалдык объектилер да талкаланган. Сегиз жыл мурун жаңы салынган Максат орто мектеби жарактан чыгып, ал жерден миномёттун октору табылды.
Бала бакчаны да өрттөп жиберишкен, фельдшердик-акушердик пунктунун, милиция бөлүмүнүн төрт дубалы гана калган.
Айыл тургуну Абдыкул Байзаков 10 жыл Россияда иштеп жүрүп там салган. Ал кол салгандар үйүн өрттөп, короосундагы малын, “Жигули” унаасын алып кеткенин айтат. Учурда анын эч бир мал-мүлкү калган эмес.
“Айыл башчыбыз “тез арада чыкпасаңар болбойт” деп WhatsApp тайпадан жөнөттү. Дароо бала-чаканы алып качтык, кийимдерди дагы албаптырбыз. Максат айылынын эңкейишине жеткенде чабуул башталды. Үйүм толугу менен күйүп кетиптир. Бизге үйдөн дагы биринчи кезекте чек арага зым тор тартып бериңиздер. Бул жерде жашоого болбой калды. Ушуну менен экинчи ирет качышыбыз”, — деди Байзаков.
Биринчи вице-премьер Артем Новиков айылдагы бардык үйлөр, социалдык объектилер сентябрь айына чейин толугу менен калыбына келтирилерин убадалады.
Максат айылында 200дөй түтүн жашайт, 60тан ашуун үй күйгөн. Жолдун сол тарабында Тажикстандын, оң тарабында Кыргызстандын айылы жайгашкан. Ортосуна зым тартылып бөлүнгөн эмес.
Жалпы жонунан кыргыз-тажик чек арасынын узундугу 970 чакырымды түзөт, бүгүнкү күндө анын 504 чакырымы гана такталган. Эки өлкө эгемендүүлүк алгандан бери 70 талаштуу аймактын тагдырын чече албай келет.
