13:48 15 Теке 2020
Түз эфир
  • USD77.5098
  • EUR87.9814
  • RUB1.0897
Видео

Артын карабай качты. Акулага капыстан туш келген спортчулардын видеосу

Кыскача шилтеме алуу
401 0 0
© Видео / YouTube/ Zachary Berman

Кишиге кол салган кадимки деңиз жырткычы — акуланын бири тактай менен сууда сүзүп жүргөн спортчулардын жанына чейин барып, аларды дүрбөлөңгө салды.

Окуя 23-июнда Кейптаундун жээктеринде болгон. Бул туурасында Daily Mail жазды.

Видеону Түштүк Африканын деңизден күзөтүү боюнча кызматынын куткаруучулары дрон менен тартып алган.

Кадрдан көпкөк сууда акула серфинг менен алектенгендердин жанында каалгый сүзүп жүргөнүн көрүүгө болот. Маалыматта бул Плеттенберг деп аталган булуң экендиги жазылган.

ЖМК: Австралияда немец футболчусу акулаларга жем болду

Жырткыч 20 секундадай кыймылсыз туруп, бир аздан соң алардын бирине жакындап барган. Асмандан тартылган видеодон спортчулардын бири ага өтө эле жакын келип, капыстан байкагандан кийин болушунча артка кайрылууга аракет кылып жатканы даана көрүнүп турат. Калгандары шашкан тейде колдору менен суу жиреп, жээкти көздөй жөнөшкөн.

"Ак түстүү акулалар деңиз жырткычтарынын ичинен өтө сезимтал келген түрү. Анткен менен адамдар андан алыс болгону жакшы, себеби булар өтө агрессивдүү деп мүнөздөлөт", — деп айтып берген Кейптаундагы бул жаныбарларды изилдеп жүргөн Сара Уэрис.

Адатта аталган жаныбарлардын узундугу 5 метрге, салмагы эки тоннага жетет. Албетте, мындай көлөмү менен кол салган олжосун оңой менен кое бербейт.

Тема боюнча

Окумуштуулар эки акуланын айыгышкан кармашын видеого тартып алган
Суучул кыздын 6 метрлик жырткыч менен сүзүп жүргөнү интернетти жарды. Видео
Белгилер:
спортчу, Суу, акула, Түштүк Африка Республикасы

Дагы видео

ЭҢ МААНИЛҮҮ