Кинодогудай кооптуу! Стамбулдагы адам өмүрүн алган куюндун видеосу

Жазылуу
Түшкө жакын башталган нөшөр аймактын көп райондорунда суу ташкынын жаратты. Ал эми ошол жердеги көлдүн үстүндө куюн пайда болду.

Түркиянын ири шаарларынын бири Стамбулда нөшөрдөн кийин суу ташып, жер көчүп, андан сырткары куюн жаралды.

TRT Haber агенттиги жаратылыштын бул көрүнүшүн YouTube каналына жайгаштырды.

500 метр бийиктиктен кулаган франциялык спортчулардын видеосу - Sputnik Кыргызстан
500 метр бийиктиктен кулаган франциялык спортчулардын видеосу
Жолдун жээгинен тартылган видеодо суунун үстүнөн бийиктиги бир нече метрге жеткен куюндун уюлгуп, чоң күч менен кетип бара жаткандыгын көрүүгө болот. Ал жээкке жетпегени менен эпкини жүк ташыган автоунааны аңтарып кеткен. Шамал дарактарды кулатып, ондогон автоунаалар менен имараттарга зыянын тийгизген. Ал эми ошол аймактагы базарда соода кылгандар товарын таппай, өздөрү кайда жашынарын билбей калгандыгын айтышты.

Стамбул бийлиги жаратылыштын бул кырсыгы сириялык бир качкындын өмүрүн алгандыгын билдирди.

Жаңылыктар түрмөгү
0