00:25 17 Бирдин айы 2020
Түз эфир
  • USD69.8500
  • EUR75.7314
  • RUB1.1008
Видео

Мурдагы ИИМ кызматкери акча алып жаткан жеринен кармалды. Финполдун видеосу

Кыскача шилтеме алуу
340 0 0

Экономикалык кылмыштуулукка каршы күрөшүү мамлекеттик кызматы (Финансы полициясы) ИИМдин мурдагы кызматкерин акча алып жаткан жеринен кармады.

Видео Финполдун Youtube каналына жүктөлдү. Кадрлардан эркек киши супермаркеттен кармалганын көрүүгө болот. Ал чөнтөгүнөн миң сомдуктарды алып чыккан. Мекемеден билдиришкендей, бул каражат пара катары алынган.

Маалыматка ылайык, Финполдун Жалал-Абаддагы кызматкерлерине эркек киши кайрылган. Ал ИИМдин Ош облусу боюнча аймак аралык башкармалыгынын кызматкеринин "кылмыш ишин жандантам" деп коркутуп, миң доллар талап кылып жатканын билдирген.

Аталган факты боюнча соттук өндүрүш башталып, арыз жазган адам талап кылынган акчаны берүүгө камданып жаткан. Бирок ала турчу киши каражатты банктык эсепке которууну талап кылган.

16-январда акча эсепке которулган. Ал эми шектүү 69 миң 750 сомду чыгарып жаткан жеринен кармалган.

"Текшерүү учурунда анын эч жерде иштебей турганы белгилүү болду. Мурда ички иштер органдарында эмгектенген", — дешти Финполдон.

Шектүү Жалал-Абад райондук ИИБдин убактылуу кармоочу жайына киргизилди.

Тема боюнча

Депутаттын пара менен кармалган иниси тергөө абагына киргизилди
Ошто ИИМдин штаттан тышкаркы кызматкери пара алып кармалды. Видео
Белгилер:
видео, кармоо, акча, пара, финансы полициясы, ИИМ, Кыргызстан

Дагы видео

ЭҢ МААНИЛҮҮ