Кыргызстандык тестиер төрт, беш орундуу сандарды көбөйтүп жана башка татаал эсептерди заматта чыгарып коюп жатты. Аны менен жарышуу үчүн Россиянын жогорку окуу жайларынын биринде физика-математика жаатында билим алып жаткан 3-курстун студенттери чакырылган. Бирок Арсен эсепти чоңдордон биринчи чыгарып, жада калса студенттер тапшырманы көчүрүп жаза электе жыйынтыгын айта салып жатты. Калыстар баш болуп отурган залдагы көрүүчүлөр таң калганын жашырган жок.
Рахымбеков Бишкекте чоңойгон, анын ылакап аты "Калкульятор бала" экенин айтышты. Иниси менен эки жыл мурда менталдык арифметикага барып окуганын айтты. Буга чейин Дүйнөлүк олимпиадага катышканын, ал эми жакында эле Ысык-Көлдө өткөн сынакта биринчи орунду ээлегенин билдирди.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
