21:10 24 Жетинин айы 2020
Түз эфир
  • USD84.7900
  • EUR100.6754
  • RUB1.1184
Видео

6 жаштагы шахматчы Султай "Лучше всех" шоусуна барып, Галкинди таң калтырган. Видео

Кыскача шилтеме алуу
5005 0 0
© Видео / 1tv.ru

Жекшемби күнү Максим Галкиндин "Лучше всех" деп аталган таланттуу балдардын конкурсунда Биринчи канал кыргызстандык алты жаштагы Султай Чыңгызды көрсөттү.

Анын катышуусундагы видео телеканалдын расмий сайтына жайгаштырылган.

"Ак-кара белгилердин ханзаадасы, блиц жүрүштүн кыйыны, пешка менен ферзди жеп койгон таланттуу жана жаш гроссмейстер Султай Чынгыз!"- деп тааныштырды Галкин жаш кыргызстандыкты отургандар менен телекөрүүчүлөргө.

Эфир учурунда Султайдын атасы уулу көптөгөн шахматтык турнирлердин жеңүүчүсү экенин айтып берген. Төрт жашында бир мелдеште күмүш медаль алганын, мектеп окуучуларынын арасындагы Румыниядагы чемпионатта коло медаль жеңип Кыргызстандын тарыхына жазылганын билдирди.

Шахматтагы чеберчилигин көрсөтүү үчүн бала россиялык белгилүү кинорежиссер Юлий Гусман менен ойноп, үчүнчү мүнөттө өзүнөн улуу адамды жеңип алды.

Маалыматта телешоу мындан эки жыл мурда тартылгандыгы, анда Султай алты жашта экендиги айтылды.

Буга чейин Максим Галкиндин шоусунда бир нече кыргызстандык бөбөктөр катышкан. Алар Жалал-Абад облусунда жашаган Нурмухаммед Ташмаматов жана эгиздер Айпери менен Нурпери Тургуналиевалар. Ысык-Көлдөн Албан-али Алым уулу да барган.

Тема боюнча

Атам мага ишенген эмес! Галкинди таң калтырган Албанали төгүлүп-чачылып маек берди
Белгилер:
"Лучше всех" шоусу, Максим Галкин, Россия, Кыргызстан

Дагы видео

ЭҢ МААНИЛҮҮ