Кыздын башына асмандан капыстан кулаган каздын видеосу

Жазылуу
Каз кожоюну кармап кеткенче, көчөдө бейкапар басып жүргөн.

Кытайда башына каз капыстан кулаган мотоциклчен кыз ооруканага түштү. Бул туурасында Daily Mail жазды.

Кытайлык кыз Цяньнань-Буи-Мяоск (Гуйчжоу провинциясы) аймагынын жолунда бейкапар кетип бара жаткан.

Мужчина пытался остановить собой фуру, но грузовик врезался в АЗС — видео - Sputnik Кыргызстан
Жөө киши жүрүп келе жаткан фураны токтотууга аракет кылып, алдында калган видео
Видеодон бир учурда анын башына капыстан кадимки эле каздын кулап түшкөндүгүн көрүүгө болот. Кыз тең салмактуулугун сактай албай, мотоцикли менен калдактап барып, жол четинде токтоп турган автоунаага урунган. Бул окуяга күбө болгон айланадагылар аны токтоосуз ооруканага жеткиришкен. Дарыгерлердин айтымына караганда, азыр абалы жакшы, өмүрүнө кооптуулук жаралган эмес.

Ал эми каз кожоюну кармап кеткенче, көчөдө бейкапар басып жүргөн. Полиция канаттуунун кайдан пайда болгондугун аныктаган. Көрсө, үйлөрдүн чатырында капаста кармалып турган каз бошонуп, көчөгө чыгып кетип, жогорудагыдай окуяга тушуккан. Бул жеңил кырсыктан кийин каздын ээси жабырланган кызга компенсация төлөп берүүгө макул болгон.

Кытайлыктардын социалдык тармагы Weibo колдонуучусу эл жашаган кабаттуу үйдүн чатырында казды капаста кармоо канчалык деңгээлде мыйзамдуу экендигине кызыккан. Алардын бир катарлары аял киши башына шлем кийип жүрсө, ооруканага түшкүдөй жабыркабайт эле деп жазышкан.

Жаңылыктар түрмөгү
0