15:58 21 Бугу 2019
Түз эфир
  • USD69.8500
  • EUR77.9212
  • RUB1.0831
Видео

Көлбаев менен чогуу абакта отурган киши Алматыдан кармалды. ИИМдин видеосу

Кыскача шилтеме алуу
1335 0 0

Кыргызстан менен Казакстандын Ички иштер министрликтеринин биргелешкен аракети менен Алматы шаарында 38 жаштагы КР жараны кармалды. Ал Интерпол аркылуу эл аралык издөөгө алынган.

КР ИИМдин маалымат кызматынын билдиришинче, Чүй облусунун тургуну А.Б. тоноо, каракчылык жана көп каражат уурдоо, курал-жаракты мыйзамсыз алып жүрүү, сактоо жана адам уурдоо боюнча бир нече жолу соттолгон.

"Ал уюшкан кылмыштуу топтун мүчөсү катары КР ИИМинин каттоосунда турат", — деп айтылат маалыматта.

Кармалган жаранга Кыргызстандын Кылмыш жаза кодексинин (эски редакция) кылмыштуу топ түзүү, каракчылык боюнча кылмыш иши козголуп, эл аралык издөөгө алынган.

"Криминалдык чөйрөдө аброю бар, буга чейин "смотрящий" деген криминалдык статусу болгон. Камчы Көлбаев менен бир камерада чогуу отурган. 2011-жылдын августунан тарта изделип жаткан", — деп айтылат маалыматта.

Кыргызстандын Ички иштер министрлигинин кызматкерлери А.Б. мыйзамсыз түрдө Казакстандын паспортун алып, Алматы шаарында жашынып жүрөт деген ыкчам маалымат алышкан. Эки мамлекеттин күч органдарынын биргелешкен аракетинин жыйынтыгында 8-мартта колго түшүрүлдү.

ИИМдин маалыматы боюнча Камчы Көлбаевдин криминалдык чөйрөдө "мыйзамдагы ууру" деген статусу бар.

Тема боюнча

Кыргызстанда кылмышты ким жасайт. Криминал боюнча статистика
Белгилер:
криминал, ИИМ, кармоо, Алматы, Казакстан, Кыргызстан

Дагы видео

ЭҢ МААНИЛҮҮ