15:15 18 Бирдин айы 2019
Түз эфир
  • USD69.7609
  • EUR78.6694
  • RUB1.0458
Видео

Алайкуу: жолду жаап калган көчкүнү жергиликтүүлөр кол менен тазалоодо. Видео

Кыскача шилтеме алуу
348 0 0
© Sputnik / Зульфия Тургунова

Аймакта жашагандар тийиштүү мекемелерге бир нече ирет байланышканын, бирок эч кандай жардам көрсөтүлбөгөнүн айтышты.

ОШ, 6-фев. – Sputnik. Ош — Алайкуу жолунун Ой-Тал участкасында 6-февралга караган түнү кар көчкү түшүп жолду жаап калды. Бул тууралуу Күйөө-Таш айылынын жашоочусу Улукбек Токтосун уулу Sputnik Кыргызстан агенттигине билдирди.

Анын айтымында, аталган аймакка 4-февралдан баштап күн сайын көчкү түшүп элди убарага салууда.

"Жол эки тараптуу жабылып калгандыктан биз алгач райондук жол тейлөө ишканасына чалып, карды тазалоо үчүн тиешелүү техника жиберүүсүн өтүндүк. Мындан сырткары, Өзгөчө кырдаалдар министрлигинин райондук бөлүмүнөн да техника жиберип жолду ачып берүүсүн суранып, бир канча жолу телефон аркылуу кайрылдык. Бирок бир да техника келип бизге жардам берген жок. Көчкү түшкөн аймакта унаалар эки тарапка тең өтө албай күтүп калышты. Унааларда жаш балдар, оорулуулар, карыялар күндүн суугунда көп убакыт туруп калышты. 30дай жергиликтүү тургун көчкү түшкөн аймактагы карды кол менен тазалоого аргасыз болду. Бирок көчкү тынбай түшүп жатат", — деди Улукбек Токтосун уулу.

Жергиликтүү тургун Алайкуу өрөөнүндөгү көйгөйгө эл өкүлдөрүнүн да көңүл буруусун өтүнүп, кышында нөөмөттө тура турган трактор жана башка техника бөлүп берүүнү талап кылды.

"Жол жабылып, эл кыйналып жатат", — деди ал.

Токтосун уулу бийиктиги эки метрди түзгөн көчкү он метр жерди жаап калгандыгын кошумчалады.

Тема боюнча

Чоң-Алайдагы кар күрткүдөн 16 унаа 70 жүргүнчүсү менен жолдо калды
Белгилер:
техника, кар, көчкү, Алайкуу

Дагы видео

ЭҢ МААНИЛҮҮ