Бүркүт олжосун тиштеп жүгүрүп бара жаткан жаш түлкүнү талаадан илип кетип, экөө асманда кармашып жаткан видео интернетке жарыяланган.
Кадрдан түлкү тиштеп алып чуркап бара жаткан коенду бүркүт илип асманга дароо чыкканын көрүүгө болот. Олжосун кое бергиси келбеген түлкү аны менен кошо алты метрдей бийиктикке көтөрүлгөн. Тамак үчүн абадагы күрөш көпкө созулбай, бир нече ирмемдерден кийин түлкү жерге кулап, ал эми канаттуу беркинин оозунан жулуп алган коенду мыкчыган бойдон учуп кеткен.
Жерге кулаган жырткыч жаныбар эч нерсе болгон эмес.
"Бүркүт учуп кеткенден кийин түлкүнү бир нече ирет сүрөткө тартып, эч кандай деле жараат алганын байкаган жокмун. Асмандан шуулдап келе жаткан канаттууну көргөн түлкү коенду таштай качат деп ойлогом, бирок андай болгон жок", — деген ал.
Интернетке буга чейин тыйын чычкан менен жыландын кармашынын видеосу чыккан.
