Сурактан чыккан Кулматов эмне деди. Видео

Жазылуу
Бажы кызматынын мурдагы башчысы төрт саатка жакын суракка алынды. Кулматов мэр болуп турган кезде коррупциялык иштерге барган деп айыпталууда.

Обращение сома в Кыргызстане - Sputnik Кыргызстан
Грантка курулат деген мектеп эмнеге бюджеттин 109 млн. сомун сорду? Кайра эле ТВЕА
Мамлекеттик Бажы кызматынын мурдагы төрагасы Кубанычбек Кулматов эртең мененки саат 10.15ден түшкү 14.00гө чейин УКМКнын имаратында болду. Ал 18-май күнү ага карата козголгон кылмыш иштин алкагында бүгүн суракка чакырылган болчу. Кулматов коррупцияга шектелүүдө.

УКМКнын версиясына караганда, Кулматов Бишкек шаарынын мэри болуп турган кезде ТBEA тарабынан эки мектептин курулушуна берилген гранттык каражаттын 2 миллион долларын мыйзамсыз пайдаланган. Башкача айтканда, ал каражат аймактарга эки мектеп салууга берилсе, Кулматов аны өкмөттөн мэриянын карамагына "Калыс-Ордо" жаңы конушуна мектеп салуу шылтоосу менен өткөртүп алган.

"Экс-мэр "Альто Групп" ишканасынын жетекчилиги менен сүйлөшүп, сынаксыз эле келишимге кол коюп, кытай компаниясынан 1 миллион доллар бөлдүртүп алган. Аталган конуштагы мектепти салууга шаардык бюджеттен кошумча дагы 100 миллион сом да бөлүнгөн", — деп УКМКдан билдиришкен.

Подрядчы компаниянын жетекчилеринин бири да кармалып, УКМКнын убактылуу кармоочу жайына киргизилген.

Кулматов болсо мэрия бир цент да акча албаганын айтып, эмнеге мындай айып тагылып жатканын түшүнбөй турганын билдирген. Ал ошондой эле мындай көрүнүш экс-президент Алмазбек Атамбаевге болгон "саясий куугунтуктун" алкагында болуп жатышы мүмкүн экенин божомолдоду.

"Мени эмнеге чакырып жатышканын түшүнбөй жатам. Бүгүнкү сүйлөшүү адамдын күлкүсүн келтирет. Экс-президенттин командасы мамлекет үчүн иштеген. Бизди эч ким бир нерсеге күнөөлөй албайт", — деп Кулматов сурактан кийин билдирди.

Мурдагы бажы төрагасы маалыматты сыртка чыгарбоо тууралуу тил катка байланыштуу ага кандай суроолор берилгенин айта албай турганын кошумчалады.

Жаңылыктар түрмөгү
0