Кыргызстандыктар менен кошо дагы сегиз финалист өнөрүн тартуулады. Алар Филиппины, Монголия, Малайзия, Тайвань жана Индонезиядан келишкен.
Кыргызстандыктар талантын көрсөткөндөн кийин калыстар тобу жүрөккө жеткире аткарылган номер үчүн ыраазычылыктарын билдиришти.
"Сиздер көрсөткөн номердин мааниси ушунчалык терең… Эгер азыр мен үйдө отурганда добушумду сиздерге бермекмин", — деп калыстар тобунун мүчөсү Дэвид Фостер билдирди.
Экинчи сезондун жеңүүчүлөрү калыстар тобу менен көрүүчүлөрдүн добушунун негизинде аныкталат. Онлайн добуш берүү үчүн уюштуруучулар ар бир катышуучу көрсөткөн номерин YouTube каналына жүктөгөн. Добуш берүү 14-декабрга чейин созулат. Кыргызстандык бийчилерге төмөнкү шилтеме аркылуу добуш берсеңиздер болот.
Ата мекендик бийчилер тобу интернет добуш берүүнүн арты менен финалга чыккан.
Asia's Got Talent — америкалык America's Got Talent сынагынын аналогу. Ал 15 Азия мамлекеттеринин арасында өткөрүлөт. Шоунун сыйлык фонду 100 миң долларды түзөт.
