09:54 26 Аяк оона 2021
Түз эфир
  • USD84.8000
  • EUR99.5213
  • RUB1.1615
Видео

Атамбаев: мөңгүлөрдөн эмес, уу калдыктары сакталган көлмөдөн чочулоо керек

Кыскача шилтеме алуу
48610
© Sputnik / Эмиль Садыров

Президент журналисттер үчүн 20-ноябрда жыйынтыктоочу маалымат жыйынын өткөрдү

Өлкө президенти Алмазбек Атамбаев акыркы учурда коомдо катуу талкуу жараткан мөңгүлөр боюнча өз пикирин билдирип, мыйзам долбоору ага келгенин айтты.

"Жанымда чоң папканы көтөрүп жүрөм. Лысый менен Давыдов боюнча эксперттердин пикирлерин да карап чыгып, керек болсо эски маалыматтарды көтөрдүм. "СССРдеги мөңгүлөрдүн каталогунда" Кыргызстанда 6771 мөңгү бар деп жазылып турат. Бул мыйзам 6771 мөңгүнүн экөөсүнө гана тиешелүү. Эки мөңгү тең 23 жыл мурда жайланып баштаган", — деди ал.

Президент мыйзам долбооруна бардыгын карап чыккандан кийин кол коёрун айтты. Ошондой эле Кумтөрдөгү эки мөңгүдөн эмес, ал жактагы уу калдыктар сакталган көлмөдөн чочулоо керектигин кошумчалады.

"Чынында мени Кумтөрдөгү эки мөңгү эмес уу калдыктар сакталган көлмө кооптондурат. Центерраны ошол жерди тазалап кеткиле деп байлап койбосок болбойт. Топтолгон калдыктар ылдый көздөй акса мына ошондо кыйынчылык болот", — деди Атамбаев.

Бул Атамбаевдин президент катары берген акыркы маалымат жыйыны.

Тема боюнча

Нуракун уулу: мөңгү боюнча макул деп добуш бергендер мекенчил адамдар
"Амантур, аман бол!". Атамбаев журналистке кол саатын белек кылды
Туура эмес жолго кетсе өзүнүн шору. Атамбаев Жээнбеков тууралуу
Белгилер:
Алмазбек Атамбаев, Кумтөр, Мөңгү, мыйзам

Дагы видео

ЭҢ МААНИЛҮҮ