20:12 22 Тогуздун айы 2021
Түз эфир
  • USD84.7875
  • EUR98.7011
  • RUB1.1965
Спорт
Кыскача шилтеме алуу
689 0 0

Беттеш 26-сентябрга караган түнү Лас-Вегас шаарында T-Mobile Arena аренасында өтөт. Убакыт айырмасынан улам кыргызстандыктар бул жолугушууну жекшемби күнү эртең менен көрө алышат.

БИШКЕК, 24-сен. — Sputnik. Кыргызстандык UFC мушкери Валентина Шевченко кезектеги атаандашы америкалык Лорен Мерфи менен 26-сентябрга караган түнү АКШнын Лас-Вегас шаарында беттешет.

Мерфи акыркы беш таймашын жеңиш менен аяктаган. Жеңил салмактагы мушкер кыз-келиндердин рейтингинде үчүнчү орунда турат.

38 жаштагы Мерфи 2009-жылы жиу-житсу ийримине баласын алып барып, ошондон кийин өзү спортко баш-оту менен кирип кеткен. Жарым жылдан кийин ММА эрежелери боюнча алгачкы кесипкөй мелдешин өткөргөн. Андан бери 19 ирет рингге чыгып, 15 жолу жеңүүчү болгон.

Спортчулардын беттеши 26-сентябрга караган түнү Лас-Вегас шаарында T-Mobile Arena аренасында өтөт. Убакыт айырмасынан улам кыргызстандыктар бул жолугушууну жекшемби күнү эртең менен көрө алышат.

Валентина Шевченконун таймашы Бишкек убактысы менен 9.30 менен 10.00дүн ортосунда болот.

UFC Fight Pass сайтынан промоушендин түз эфирде болчу бардык турнирлерин көрүүгө болот. Кыргызстандыктар дарегинен жазылуу аркылуу гана көрөт.

Беттешти акысыз көрүү үчүн Setanta Sports телеканалына баш багыңыз. Тилекке каршы, айрым учурда булар дагы көрсөтпөй коюшу мүмкүн.

Акы төлөп көрөм десеңиз More.TV жана Wink. платформалары бар.

 

Тема боюнча

Шевченко менен Мерфинин кармашы. Букмекерлер кимге үмүт артып турат
"Нокауттардын ханышасы". Шевченко UFC уюмун кантип багындырган. Видео
Белгилер:
UFC, Валентина Шевченко, Лорен Мерфи, беттешүү, видео

ЭҢ МААНИЛҮҮ