БИШКЕК, 12-сен. — Sputnik. Кыргызстандык балбандар Бексултан Махмудов менен Калы Сулайманов Россияда өтүп жаткан Александр Нестеренконун элесине арналган эл аралык турнирден коло медаль утту. Бул туурасында Кыргызстандын Күрөш федерациясы билдирди.
Махмудов грек-рим күрөшү боюнча 97 килограммга чейинки салмак категориясында килемге чыккан. Ал үчүнчү орун үчүн кармашта россиялык Тимур Абубакировду жеңип алган.
Посмотреть эту публикацию в Instagram
Бексултан — Токио Олимпиадасынын күмүш медалынын ээси, балбан Акжол Махмудовдун бир тууган агасы.
Посмотреть эту публикацию в Instagram
Ал эми Сулайманов 63 килограмм салмак категориясында чыгып, үчүнчү орун үчүн россиялык балбан менен күрөштү.
Посмотреть эту публикацию в Instagram
Кармаш кыргызстандык спортчунун жеңиши менен аяктап, коло медалга ээ болду.
Посмотреть эту публикацию в Instagram
Белгилей кетсек, 11-12-сентябрда Россиянын Новосибирск шаарында эл аралык "Мемориал Нестеренко" юбилейлик мелдеши өтүүдө. Ага Кыргызстан, Россия, Беларусь, Казакстан, Сербия жана Эстония мамлекеттеринин, ошондой эле РФтин 29 субъектисинин балбандары катышып, күч сынашып жатат.
