18:39 16 Бугу 2021
Түз эфир
  • USD84.6213
  • EUR102.6076
  • RUB1.1436
Спорт
Кыскача шилтеме алуу
2021-жылы Токиодо өтө турган Олимпиада оюндары (66)
227 0 0

65 килограмм салмакта күч сынашкан Акматалиев жарым финалда өзбекстандык Ильяс Бекбулатовду жеңип алды.

БИШКЕК, 11-апр. — Sputnik. Кыргызстандык эркин күрөш балбаны Эрназар Акматалиев Токио Олимпиадасына лицензия утту. Спортчу ушу тапта Алматыда өтүп жаткан Олимпиада оюндарына жолдомо ойнотулган квалификациялык Азия мелдешинин финалына чыкты.

Посмотреть эту публикацию в Instagram

Публикация от United World Wrestling Asia (@uww.asia)

Турнирдин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

65 килограмм салмакта күч сынашкан Акматалиев жарым финалда өзбекстандык тажрыйбалуу спортчу Ильяс Бекбулатов менен кармашты. Кыргыз балбаны 8:0 эсебинде утулуп жатканына карабай чабуулун улантып, адегенде төрт упайлык ыкма жасап, анын артынан эле атаандашынын далысын жерге тийгизип, таза жеңишти камсыздады. Муну менен ал мелдештин финалына чыгып, эркин күрөш боюнча Олимпиадага жолдомо уткан алгачкы кыргызстандык балбан болду.

Мелдеш ушул күндөрү Казакстандын Алматы шаарында өтүп жатат. Аталган чемпионатта финалга чыккан атлеттерге Токио Олимпиадасына лицензия берилет.

Бүгүнкү күндө Кыргызстанда жалпысынан 12 спортчу лицензия алууга жетишкен.

Буга чейин грек-рим күрөшүнүн балбандары Атабек Азисбеков (87 кг), Жоламан Шаршенбеков (60 кг), Акжол Махмудов (77 кг) жана Үзүр Жузупбеков Токио Олимпиадасына жолдомо алышкан.

Кыздар күрөшүнөн Айсулуу Тыныбекова, Айпери Медет кызы, Мээрим Жуманазарова, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Тема:
2021-жылы Токиодо өтө турган Олимпиада оюндары (66)

Тема боюнча

Мээрим Жуманазарова Олимпиадага жолдомо ойнотулган мелдештен күмүш байге утту
Сүйүнчү! Айпери каршылаштарын баш көтөртпөй жеңип, Олимпиадага жолдомо алды
Белгилер:
Эрназар Акматалиев, Олимпиадалык оюндар, мелдеш, эркин күрөш

ЭҢ МААНИЛҮҮ