БИШКЕК, 1-ноя. — Sputnik. Бокс боюнча казакстандык дүйнө чемпиону Бекзат Нурдаулетов алгачкы профессионалдык беттешинде эле атаандашын нокаут менен утуп алды. Бул тууралуу Sputnik Казакстан агенттиги жазды.
Казак мушкери танзаниялык Ибрагим Маоколой менен беттешкен.
Орточо оор салмактагылар арасындагы беттеш алты раундга эсептелген болчу. Бирок экинчи раундда эле 22 жаштагы казакстандык спортчу таамай соккусу менен каршылашынын эсин оодарган.
Эң мыкты беттеш! Бири-бирин 8 ирет нокдаунга кетирген боксчулардын видеосу
Мангыстау облусунда төрөлгөн Бекзат Нурдаулетов 2019-жылы Россияда өткөн дүйнө чемпионатында алтын медаль тагынган.
Президент Касым-Жомарт Токаевдин жарлыгынын негизинде "Құрмет" ардак ордени менен сыйланган. Өлкө башчы Нурдаулетовду спортто чоң ийгилик күтүп турарын белгилеген.
