Баштадым! Валентина Шевченконун маңдайы жарыла сүйүнгөн сүрөтү

© Фото / предоставлено Валентиной Шевченко UFC боюнча Кыргызстандан чыккан чемпион Валентина Шевченко. Архив
 UFC боюнча Кыргызстандан чыккан чемпион Валентина Шевченко. Архив - Sputnik Кыргызстан
Жазылуу
Март айында кыргызстандык мушкер бутуна операция жасатып, маанилүү беттештеринин бири — Жоан Калдервуд менен кармашы болбой калган.

БИШКЕК, 12-май — Sputnik. UFC боюнча Кыргызстандан чыккан чемпион Валентина Шевченко бутуна жасалган операциядан кийин машыгуусун кайра баштады. Бул туурасында спортчу кыз Instagram аккаунтуна жазды.

Посмотреть эту публикацию в Instagram

Публикация от Valentina Shevchenko (@bulletvalentina)

Март айында Валентина бутунан операция жасатып, анын айынан UFC 251 турнириндеги Жоан Калдервуд менен беттеши болбой калган.

Мушкер кыз жаракатты соңку кармашында алган. Тагыраагы, ал 8-февралда Хьюстондогу UFC 247 турниринде Кэтлин Чукагян менен беттешип, утуп алган.

"Акыр аягы операциядан эки айдан соң машыгуума кайтып келдим! Көнүгүүлөрүмдү 100 пайыз жасай албасам да, баары бир сүйүктүү ишимди кылгандан жаным жыргап жатат. Акырындык менен болсо да айыгып келе жатам!" — деп жазган чемпион кыз.

Өзүнүн ал постунда үйүндө ыңгайлуу машыгуу залын жасап алгандыгын кабарлаган.

Чемпионка мира по смешанным единоборствам по версии UFC Валентина Шевченко - Sputnik Кыргызстан
Мени "тыңчы" атагандардын оюн билем. Лас-Вегастагы Валентина Шевченко менен маек
Ал арада Шевченко MMA Fighting ресурсуна берген маегинде жайдын соңуна чейин жаракатынан толук сакая турганын айткан.

"Дарыгерлер августтун аягында кайтып келе берсем болорун айтышты. Ал учурда беттешип калыш үчүн кичине тездетет окшойм. Бул менин толук кандуу кайтып келүүм үчүн ылайыктуу учур. Болгону тер төгүп, көбүрөөк иштешим керек", — деген Шевченко.

Голливуд жылдызы Холли Берри "Сабалган" ("Оскорбленная") тасмасын тартуу учурунда UFC уюмунун жеңил салмактагы чемпиону Валентина Шевченконун катуу соккусунан улам жаракат алгандыгын айтып берген.

Жаңылыктар түрмөгү
0