БИШКЕК, 9-июн. — Sputnik. Кыргыз мушкери Валентина Шевченко америкалык мушкер Жессика Айды нокаут менен утуп, UFC уюмунун 57 килограмм салмактагы чемпиондук наамын коргоп калды. Бул туурасында уюмдун расмий Instagram баракчасында айтылат.
Cold blooded killer💀 #ufc238 pic.twitter.com/uaVtQwYq9w
— Robert Sharkey (@rjsharkey96) 9 июня 2019 г.
Мушкерлер Чикаго (АКШ) шаарында өтүп жаткан UFC 238 турниринин алкагында эң жеңил салмак категориясы боюнча күч сынашты. Мелдештин алгачкы мүнөттөрүндө эле Шевченко Айды көтөрүп чаап, үстөмдүгүн көрсөткөн. Экинчи раунддун башталышында каршылашын бетке тээп, нокаутка кетирди.
This might be one of the craziest knockouts I've ever seen. She was knocked out for close to two minutes. #UFC238 pic.twitter.com/DVfoW36pMZ
— Keaton (@ChirpinParaKeat) 9 июня 2019 г.
Шевченко 2018-жылдын 9-декабрында польшалык Жоанна Енджейчикти утуп алтын курга ээ болгон. Ал бүгүн наамын ийгиликтүү коргоп калды.
